ثقافة وأدب المنصة نيوز

جبر الخواطر

بقلم. يوحنا عزمي

لو حد بعت message علي group و محدش رد عليه …رد عليه أنت ..

لو حد قال حاجة في وسط الكلام وحد قطعه واتكلم …رجع كلامه أنت و اسأله هو كان بيقول إيه ..

لو حد نزل صورة لي حتي لو عاديه اعمله comment حلو

لو حد غير حاجة في شكله أو لابس حاجة جديدة قوله حلوة ..

لو حد قال فكرة حتي لو مش حلوه متكسفوش قوله حلو بس هتبقي أحلي لو ..

بلاش تحسس اللي قدامك إنك أحسن منه بمجرد إنه مش عنده الميزة اللي ربنا ادهالك ..

لو حد قال كلمة English غلط عديها ..

لو حد في أزمة حتي لو مش قريب منك إسأل عليه ..

لو حد اتأخر أو مجاش الخروجه كلمه واسأل عليه ..

اوعي تكسف حد جه يطلب منك حاجة وتقول ده بتاع مصلحته ..

لو حد جالك يحكيلك حاجة حتي لو تافهه اسمعه واهتم بمشكلته و ركز معاه مش تسيبه يتكلم و أنت باصص في تليفونك أو في حتة تانية ..

كل ده جبر خواطر …حاجات بسيطة أوي بس بتفرق كتير.

مقالات ذات صلة

زر الذهاب إلى الأعلى
%d مدونون معجبون بهذه: