ثقافة وأدب المنصة نيوز

ست وست وراجل وراجل والفرق واضح

 

كتب،عاطف التوني

فيه ست بتشوف جوزها شاري تيشرت جديد فتبصله و تقوله مش بيتنا أهم بالفلوس دي وتقوم الخناقه!

و فيه ست بتنزل بنفسها تجيب التيشرت ده و تفاجىء جوزها بيه
و الفرق بينهم جميل👉🤔👉

فيه راجل بيشوف خطيبته متواضعة في طلباتها و بتقوله جيب إللي علي قد مقدرتك ياحبيبي فيقرر يستغلها ويقلل منها يقولها أنتي حد عبرك غيري.

و فيه راجل كل ما خطيبته تقوله مش عايزة يجيبلها أكتر ، كل ما تقلل طلباتها يعافر عشان يعملها أحسن حاجة ويقولها يا بنت الأصول.
و الفرق بينهم جميل ⁦❤❤

فيه راجل لما يشوف مراته مشغولة في حاجة بتحبها و لا عايزة تروق ساعة من الدنيا يقرفها في عيشتها طلبات و أنتي قاعدة فاضية وراكي إيه طول النهار بيتك أهم؟

و فيه راجل لما بيشوف مراته ناسية نفسها في شغل البيت والعيال بيقولها إيه رأيك تتصلي بصحباتك تخرجي و لا تروحي الكوافير تتبسطي شوية ولا نتمشي شويه فالشارع و تفصلي من البيت ؟
و الفرق بينهم جميل❤❤

فيه شريك حياة مريض نفسي عبارة عن كتله متحركة ، تحس نومه راحه ، خروجه بره البيت راحة أمنيه حياتك ، إنشغاله عنك فرح.
و فيه شريك حياة وجوده بيفرح القلب ، بيعرف يخليك فرحان طول الوقت ، بيخليك متطمن ، الساعة بعيد عنه قلق وخوف .
و الفرق بينهم جميل ♥️⁩⁦♥️⁩

مقالات ذات صلة

زر الذهاب إلى الأعلى
%d مدونون معجبون بهذه: