مطبخ المنصة نيوز

قصة السمنة والزبدة

كتب ،عاطف التوني

توفر كام جنية تدفعُه ألوفات في علاج .. ولا تدفع كام جنية زيادة وتوفر لصحتك ؟..
قصة السمنة / الزبدة البلدي ..
كل كلامي عن البلدي / الفلاحي / البقري فقط !! لا سمنة نباتي ولا زبدة مخلوطة بمارجرين .. ولا نخلط السمنة البلدي بالزيت المهدرج عشان نوفر !!

من أساسيات إمتصاص جسمك للمعادن هو (ڤيتامين د + الألبان كاملة الدسم) ..
من ضمن ١٣ دراسة أتعملوا كان فيه دراسة إكلينيكية أتعملت على الناس أثبتت إن السمن/الزبدة البلدي بيرفعوا دهون الدم الحميدة اللي إحنا دايماً محتاجينها عالية..
وإنهم مفيدة في الغداء لمرضى الحساسية المزمنة في الصدر والجلد والجيوب الأنفية مع ڤيتامين د٣ وك٢ ..
فيه مادة أسمها ڤاكسينك أسيد بتقلل الدهون الثلاثية ٤٠٪؜ ..
وبيعالجوا تصلب الشرايين.. وبيحموك من دهون الكبد عشان الكبد محتاج دهون صحية ..
بينظفوا المعدة والبنكرياس والمرارة من البكتيريا الضارة ..
بيعالجوا الألتهابات بسبب الوزن الزائد ..
السَمنة كـ دهان مع الكركمين بيعالجوا جروح مفتوحة زي القدم السكري ..

كفاية حاجة مخلوطة في معمل تضر صحتنا .. ولو قولتلي بنجيب (نباتي) عشان الفلوس وماحصلناش حاجة هقولك : لو بتعاني من مرض دلوقتي أو بعدين ومش عارف سببه وليه جالك هقولك تراكمات السنين اللي فاتت من أكل غير صحي وضار وطريقة غلط هي اللي وصلتنا للي إحنا فيه ..

أنا مش مستفاد منك حاجة في إني أمنعك عن حاجة تضرك غير النصيحة ليك ..
أبعد عن الزيوت المهدرجة والسمن النباتي وخاف على صحتك ..
شير للناس اللي بتاكل الصحي وشجعهم وشير للي لسه مقتنع إن ماحصلش حاجة وأنصحه ..
دمتم بصحة

مقالات ذات صلة

زر الذهاب إلى الأعلى
%d مدونون معجبون بهذه: