غير مصنف

(قلوب للبيع)قصيده

(قلوب للبيع) بقلمى /ام سلمي العتر

ياعم يا بتاع الحاجات القديمه
تاخد قلب قديم تعب
من الناس والسنين
وتديني قلب جديد
يكون حديد
يستحمل البأس الشديد
والغدر من الناس والحبيب
اصل قلبى دقه قديمه بيحب
الناس واللمه والدفى
وبيلم الكل جواه
بيقولو عليه اهبل عبيط
من بتوع العشره والعيش والملح
ودا لامكانه ولا زمانه
عاوزه قلب جديد يكون حديد
مايعرفش الدمع وحرقه القلب
اصل قلبى بيبكى لوشاف حزين
ولا طفل يتيم
ويتقطع على طير جريح
ياعم هاتلى قلب جديد يكون حديد
اصل قلبى بيفرح من بسمه
اترسمت على الشفايف
ويحب الزهور ونور الشمس
ونهار اللى لسه وليد
هاتلى قلب يدوس على الصعب
قلب قوى لا يبكى ولا يهتز
ياعم يابتاع الحاجات القديمه
تاخد قلب بلون الورد
ونور الشمس
وتدنى قلب جديد يكون حديد

مقالات ذات صلة

شاهد أيضاً
إغلاق
زر الذهاب إلى الأعلى
%d مدونون معجبون بهذه: