أخبار مصرحوادث وقضاياسياحة واثار

إبداع القدماء المصريين في هذه العين الزجاجية استخدموا الزجاج والكريستال في تطعيم العين

كتبت جيهان إبراهيم

قدماء المصريين مش بس برعوا في التحنيط، لا كمان التماثيل كان ليها جزء كبير جدًا من العبقرية؛ وأبرز مثال هو تمثال ” الكاتب المصري “

اللي في الصورة ده والإبداع هتلاقيه في العين الزجاجية اللي مصنوعة من الكوارتز ، والقرنية المصنوعة من الكريستال الصخري المُرصع بالنحاس، في مزيج هو الأول من نوعه علشان يديك الإحساس اللي انت شايفه ده وكأنها لازالت حية بعد ٤٥٠٠ سنة..

التمثال مش معروف هو لمين واكتشفوه في منطقة “سقارة” ومن شدة الإبداع الموجود في العين الجماعة بتوع متحف اللوڤر في العاصمة باريس طلبوا من الحكومة المصرية ان التمثال ينضم إلى أُسطول النوادر العالمية بالمتحف، وهو موجود هناك إلى الآن في قسم المصريات..

جدير بالذكر إن في القرن ال١٨ الفرنسيين اخترعوا العين الزجاجية وهي لازالت تُستخدم إلى الآن كشكل تجميلي لكل من فقد عيّنيه او إحداهما، وده يخيلك تتسائل إزاي من ٤٥٠٠ سنة قدماء المصريين يختاروا الزجاج والكريستال بالذات علشان يطعّموا بيه تماثيلهم؟ وهل الفكرة الحالية كانت مُحاكاة للتماثيل المصرية القديمة ام من قبيل المُصادفة..؟!!

مقالات ذات صلة

زر الذهاب إلى الأعلى
%d مدونون معجبون بهذه: