أخبار مصردنيا ودينطب وصحةوقاية وعلاج

الصيام وفيروس كورونا

هيام محمود

روى أن جماعة فى عهد رسول الله صلى الله عليه وسلم خرجوا فى سفر, فأصاب أحدهم حجر شج رأسه(يعنى فتح راسه), ثم أحتلم, فسأل أصحابة إن كانت له رخصة فى التيمم لأنه جريح, فأخبروه بأنه لا رخصة له طالما وجد الماء, فاغتسل فمات, فلما بلغ ذلك النبى صلى الله عليه وسلم قال(قتلوه قتلهم الله, كان يكفيه أن يعصب عصابة على رأسه فيمسح عليها ثم يغسل سائر جسده).

يا جماعة احنا حاليا فى ظل وباء كوفيد19, وفى نفس الوقت احنا فى شهر_رمضان, نسبة كبيرة من مرضى كوفيد19 بيصروا على الصيام برغم كون حالتهم متسمحش بيه, لأن بعضهم بيكون محتاج ياخد سوايل طول الوقت لترطيب مجرى التنفس ومنع تراكم الإفرازات وتقليل فرص تجلط_الدم, كمان مريض كوفيد19 محتاج ياخد غذاء فيه نسبة عالية من البروتين والفيتامينات والمعادن علشان يدعم مناعته فى مقاومة_الفيروس, غير إن بعض المرضى بكوفيد19🦠 بيكون عندهم أمراض مزمنة تانية مصاحبة ليه زى أمراض القلب و السكر و الكلى و المناعة_الذاتية وغيرها, ودول بعضهم أصلا مينفعش يصوموا حتى من غير كوفيد19 , فما بالنا لما يكون كمان عندهم كوفيد19‼️

يا جماعة ربنا مفرضش الصيام علشان يعذب عباده ويشق عليهم, ولا هدفه من الصيام إن الناس يقتلوا أنفسهم فى سبيل إنهم يصوموا‼️

مريض_كوفيد_19 اللى طبيبه ينصحه بالفطر فمن واجبه إنه يفطر.

فيه مرضى كتير بكوفيد19 كانت حالاتهم مستقرة وكان فاضلهم أسبوع مثلا ويشفوا, وعلى تالت يوم من رمضان دخلوا العناية_المركزة لأنهم اصروا على الصيام برغم تحذيرات أطبائهم, فحصلتلهم مضاعفات استدعت دخلوهم العناية‼️

أخواننا مرضى كوفيد_19 ربنا يشفيهم يستشيروا أطبائهم إذا كانوا يصوموا وللا يفطروا, وإذا أطبائهم نصحوهم بالفطر يبقى واجبهم يفطروا ويقضوا بعد شفائهم إن شاء الله.

ميعملوش زى اللى أصحابه قالوله لازم تغتسل برغم إن رأسه مفتوحه, وكانت النتيجة إنه مات, فالنبى عليه الصلاة والسلام قال إن اصحابه قتلوه لما قالوله لازم تغسل راسك وهو جريح‼️

مقالات ذات صلة

زر الذهاب إلى الأعلى
%d مدونون معجبون بهذه: