ثقافة وأدب المنصة نيوزمن هنا وهناك

الوعى وجحيم كورنا بالهند

بقلم حمادة العاوى

لظروف ومشاكل عائلية كانت تطير النوم من عينى،بعدت فترة عن الكتابة وعن مايدور حولنا فى العالم ، ومع روحانيات رمضان والأجواء الرمضانية الجميلة اعاده الله علينا وعليكم بكل خير بدأت اتعافى من هذه المشاكل ،

وفى يوم كنت ذاهب الى مشوار واستقلت تاكسى للذهاب إلى مشوارى كان يقوده رجل فى الخمسين من عمره وبدأ حديث ببنى وبين السائق دخل فى عده مجالات منها الرياضة ورمضان والكنافه والقطايف ، وعندما لاحظ انى لابس كمامة طول المشوار قال لى بالنص الواحد

“أيه يا أستاذ أنت خايف منى ولا أيه متخفش أنا معنديش كورنا ” وضحك قلت له يا اسطى انا خايف عليك وعليا لانى أحنا فى موجة ثالثة من كورنا وربنا يستر قالى” ياعم الأستاذ مفيش الكلام ده قول يارب” قلتله كلنا بنقول يارب بس أنت مبتعرفش أخبار وبتشوف مدن العالم زى الهند عمله أزاى واللى بيحصل بسبب قلة الوعى عندهم

رد وقالى “ياعم ده الهند ده فى أخر الدنيا” قال لى” الواد أيمن أبنى نفسه فى عجلة ولبس العيد وانا نازل متوكل على الله عشان اجبله لبس العيد واللى نفسه فيه وانا يبنى بستخسر فى نفسى أى حاجة” يعنى بالله عليك أجبله اللى نفسه فيه ولا أقوله فى كورنا قلت له أنا كل اللى قلتلك عليه كمامة ألبسها تحافظ على نفسك وتحافظ على ولادك

وأزازة كحول تضعها بجانبك ، الهند فى مأساه كورنا يفتك بالهند لا أماكن فى المستشفيات ، السرير يجلس عليه أكثر من مريض ، محارق الموتى امتلائت يقفون طوابير لدفن موتهم ويحاولون ينقذون مايمكن إنقاذه أمام المستشفيات طوابير لاحصر لها الجثث فى الشوارع ،رائحة الموت تفوح فى كل شبر فى الهند كل هذا بسبب عدم الإلتزام بالإجراءات الإحترازيةوالخروج فى أحتفالات بأعداد رهيبة الحكومه المصرية

تحاول جاهده بالكثير من الإجراءات حماية صحة المواطن المصرى ونحن كمصريين نحتاج أن نوعى بعضا بعض نحتاج إلى مبادرات من المجتمع المدنى لتوعية كبار السن لأهمية الاجراءت الاحترازية، ولبس الكمامة ،كلنا يجب أن نقف بجانب حكومتنا المصرية للمساعدة فى القضاء على هذا الفيرس اللعين أطالب بتطبيق حملات من خلال الإعلام

تحت مسمى “ألبس كمامتك قبل فوات الأوان ” ومن هنا ومن خلال منبر الجريدة أدعو كل مواطن إلى لبس الكمامة حفاظا على سلامته وسلامة أسرتة وفى نهاية حديثى مع سائق التاكسى وقرب وصولى لمشوارى وقف مرة وحده أمام صيدلية وقلت له “على فين ياحاج” قال لى هجيب كمامة وكحول صحتى وصحة اولادى اهم من اى حاجة ، حفظ الله مصر وشعبها الكريم .

مقالات ذات صلة

زر الذهاب إلى الأعلى
%d مدونون معجبون بهذه: