شعر

بند باطل علي الورق

بقلم الشاعر المصري أحمد إبراهيم النجار

كنت بحلم إني أفتّح
ألقي كل الكون سلام
بس كان الحلم وهم
فيه مواجع فيه الآلام
والسلام كلمة في صورة
ف المحافل بين ورق
واللى داعى للسلام
هو نفسه اللى سرق

حتى شمس الكون ظلام
والربيع أصبح خريف حر صيف مليان جفاف
والشقوق بين الدروب
والسنين فيها العجب

اللى مات بالجوع وفارق
واللى غارق واللى سالك
بين حدود فيها العجاف
واللى ميّت م التعب

كان بيحلم يوم يعيش
بس عمره أتسرق
والسلام كلمة قبيحة
فوق لسان اللى نهّب
كداب بيخدع
والحديث مالهوش سنّد
كلمة مكتوبه ف ورق

تبّت أيدين كل اللى قاتل
كل فجر بيتوَلد
تبّت أيدين كل اللى نافق
تبّت أيدين أبو لهب

اللى نافخ ف النيران
اللى واهب كل عمره
انه يخدم ف الشيطان
والسجود والطواف والعبادة للوثن

والطقوس حبة طلاسم
والركوع لأله صنم
والخشوع والخضوع
هو دين المخلصين
العارفين الساجدين
الخاشعين الخاضعين
للبنود ع الورق

السلام والأمان شعار سطور والصراخ مالي المدن
والأنين كاسي الزمن
كم طفل ميّت م القنابل
كم حلم فينا بيتسَرق ؟

اه يا حلم العمر شاب
والضمير ف الأمة غاب
والضياع أصبح وطن
والبند لسه علي الورق

والسلام فوق اللسان
والشعار والبند باطل
بين غيلان مجلس أمم
بين غيلان مجلس أمم

مقالات ذات صلة

زر الذهاب إلى الأعلى
%d مدونون معجبون بهذه: