أخبار مصرثقافة وأدب المنصة نيوزمقالات

روعة وجمال العمارة المصرية في العصر المملوكي

كتبت جيهان إبراهيم

طب ياترا ايه هو الطراز المعمارى اللى أستخدم فى مصر فى العصر المملوكى؟ في الفتره مابين ( 1250-1517)؟ 🤔

عاوز تعرف هقولك القصه كلها ياسيدي بتبدي أن الطراز المعماري في العمارة المملوكيه مستمد من الطراز المصرى المحلى و بيعتبر أقرب الطرازات المعماريه للروح المصريه.

 

 

و على الرغم من إنفتاح مصر فى العصر المملوكى على العالم و على الثقافات الخارجيه ما حصلش إستيراد لطرازات بنا أجنبيه لكن حصل ساعات فى النقوش و الزخارف اللى ظهرت فيها الطابع المغولى.

أتميز العصر المملوكى فى مصر ببنا الجوامع و المدارس و الحمامات و القلاع و غيرها من المبانى. أشهر السلاطين اللى بنو فى مصر كان الناصر محمد بن قلاوون ( 1285 – 1341 ) اللى بنا و شيد على المستوى الفرعونى و أشهر جامع أتبنى هوه جامع و مدرسة السلطان حسن (بدا بناه 1357) اللى عباره عن تحفه مالهاش مثيل بتجمع مبانيه بين قوة البنا و عظمته و دقة الزخارف البديعه ، قال عنه المستشرق العلامه جاستون فييت : ” ده ابدع آثار القاهره و أكترها تجانس و تماسك و كمال و وحده ، و أجدرها أنه يكون مع الاثار الروعه اللى بنتها حضارة مصر الفرعونية ” و أنه ” أهم و أعظم من قصر الحمرا فى جرانادا ” و أختاره الرئيس الأمريكى باراك اوباما من بين كل أثارات القاهره عشان يزوره.

بتتميز المبانى المملوكيه بالجمال و الزخارف البديعه و الرسوخ و المداخل العاليه. وكمان أتبنت الحمامات الشعبيه فى مصر فى العصر المملوكى و كانت أعدادها كبيره جداً فى مدينة القاهرة و كانت فيه حمامات مخصصه للرجاله و حمامات مخصصه للستات ،

و كانت حيطانها متزينه بالمناظر الجميله و المايه السخنه كانت بتستخدم فيها. بقايا من الحمامات دى لسه موجوده فى القاهره القديمه. و بتتميز جوامع العصر المملوكى بمآذنها الرفيعه الرشيقه و الحيطان العاليه المزركشه و المـآذن اللى ليها روس مزدوجه زى مآذن الغورى فى الازهر اللى أتبنت فى القرن الخامس عشر..

مقالات ذات صلة

زر الذهاب إلى الأعلى
%d مدونون معجبون بهذه: