ثقافة وأدب المنصة نيوزمعلومات المنصة نيوزمقالاتمنوعات

علمتني الدنيا الكثير والكثير

 

كتب بقلم الدكتور /عبدالغني النجار

#الدنيا علمتنى إن الكداب شكاك و دايماً بيشوف كل الناس كدابين زيه….
والخاين بيشوف كل الناس خاينين زيه…
وإن الطيب مابيتعلمش من غلطه،، لإنه مهما قابل ناس وحشة مش بيستوعب وحاشتهم ، وبيفضل يتوسم الخير فيهم…

علمتنى إن الغلطان هو أول من يشتكي…..

علمتنى إن الظالم أكثر ثرثرة من المظلوم….

علمتنى إن من القلب للقلب رسول ونفس اللى جواك ليا هو اللى جوايا ليك….

علمتني أصبر على البلاء ومازعلش من الخسارة لأن ربنا بيعوض بأكثر من اللى خسرته بس باللي هو شايفه أولي…

علمتنى إن لما حد يغتابنى أو يغلط في حقي أو يتبلى عليا مزعلش منهم لكن أزعل عليهم وإن دول ربنا سخرهم لى عشان آخد حسنات واكتشف بيهم حقيقة ناس تانية …

علمتنى إن السكوت أفضل رد على السفهاء….

علمتني إنى مادام ماشي فى الطريق الصح مايهمنيش حد واللى يقول يقول، ربنا بيبين الحقائق فى الوقت الصح،،،

علمتنى ما اندمش على أى قرار أخذته حتى لو غلط واستحمل نتيجته و اتعلَّم منه…

علمتني ابقي بوش واحد وكلام واحد ورأى واحد،،،

علمتنى ابقى قد كلامي و قد وعدي…

علمتنى إن اللى تعمل معاه خير ويقلل منك قدام الناس حقير،، بيجيله اللى يقلل منه ويمشى وراه مذلول،،

علمتنى أسمع بعينى وادور على الحقيقة بنفسي واتأكد وماحكمش علي حد من اللى بسمعه ….

علمتنى أسمع من الطرفين،، لإن فيه ناس أخبث من إنهم يبينوا حقيقتهم،، وفيه ناس وضوحهم بيظلمهم،،

علمتنى إن أصحاب الضمير والقلب الحى نعمة واللى قلبه حجر مايساويش ولو يملك مال قارون وجمال سيدنا يوسف،،

علمتنى أن المكسب الوحيد ليا إنى ابقي انا زى ما انا عايز اكون مش زى ما اي حد عاوزني أكون ….

علمتنى إن أحقر الناس هو اللى يستغل حبك له لفترة ويستغنى عنك فى لحظة عشان مصلحة جديدة …

علمتنى إن عيلتى هى أهم إنجاز فى حياتى…

واتعلمت إن اللى بيعمل حاجة فعلاً بتتردله بنفس الطريقة بالمللي…

و اخيراً علمتني ان جبر الخواطر سحر و السعاده اللي الواحد بيحس بيها بعده لا تقارن،، وإن الحب والوفاء اللى بتقدمه بيرجعلك أضعاف مضاعفة

#د. /عبدالغني النجار
رئيس النقابة المهنية للسياحيين بقنا ومشرف عام قطاع الصعيد
أمين أمانة حقوق الإنسان بحزب حماة الوطن بقنا

مقالات ذات صلة

شاهد أيضاً
إغلاق
زر الذهاب إلى الأعلى
%d مدونون معجبون بهذه: