ثقافة وأدب المنصة نيوزمقالات

شم النسيم

كتبت د/ دعاء محمد حسين

باحثة دكتوراة صحة نفسية وطاقة حيوية
القاهرة
شم النسيم أو عيد شم النسيم عيد مصرى قديم من حوالى 2700 قبل الميلاد، يعنى عيد عمره أكتر من 4700 سنة. أسم شم النسيم جاى من كلمة شمو وهيا كلمه هيروجليفي.

عيد شم النسيم عند المصريين القدام بيعلن بداية الحياة لان المصريين القدماء شافو أن الربيع بداية الحياه (لأن الزهور بتتفتح فى الربيع و كمان الزرع بيخرج من الأرض)….

المصريين القدماء كانو بيحتفلوا بشم النسيم بنفس الطريقه اللى لسه موجوده لغاية النهارده … فكانو بياكلو البيض الملون والفسيخ و السردين والبصل والخس، وكل حاجه منهم بترمز لرمز. زى البيض اللى هوا رمز خروج الحياة، لان الكتكوت بيخرج من جماد.

و الفسيخ أو السمك المملح عموما كان تعبير من المصرى القديم عن حبه للنيل (لان السمك بييجى من النيل). و البصل اللى كان رمز للحياة عند المصريين القدام، وكانو بيعلقوه على الجدران بتاعة بيوتهم (زى ما بيحصل لغاية دلوقتى ).

والخس اللى كان أسمه (عيب) بالهيروجليفى كان بيعتبر من النباتات المقدسة، وكان معروف من الأسرة الرابعة.

الأحتفال بشم النسيم عند المصرى القديم كان مهرجان شعبى بيبتدى مع طلوع شمس اليوم ، و كان بيقضيه المصريين فى الفسح فى الجناين و على شط النيل و الاماكن اللى فيها زرع. وبيكون شم النسيم يوم الاتنين اللى بعد عيد الفصح و اللى بيكون يوم حد.

شم النسيم، أقدم عيد شعبى فى الدنيا، بيفتخر بيه المصريين بإعتباره عيد خاص بيهم و بمصر بغض النظر عن عقائدهم الدينية. أتنقلت مظاهر كثيرة من أحتفال المصريين بعيد شم النسيم لمناطق تانية فى العالم و حتى أوروبا.

شم النسيم مالهوش علاقه بعيد النيروز المصرى اللى هو عيد السنه القبطية فى أول شهر توت و اللى كان بيتعمل فيه كرنفال فى القاهرة.

مقالات ذات صلة

زر الذهاب إلى الأعلى
%d مدونون معجبون بهذه: