ثقافة وأدب المنصة نيوزشعر

ولاد الناس

شعر صباح الجداوى
ولاد الناس بيكون لهم في الأصل أساس
ولاد الناس مش بالكلمة ولا بالشكل ولا الإحساس
ولاد الناس بمواقفهم مع البشر تتقاس
ولاد الناس دول أجدع بشر من ناس
ولاد الناس نفوس طاهرة قلوب صافية وليها أساس
ولاد الناس مش بالمال ولا العزوة من غير أساس
ولاد الناس تلاقيهم أغنى وأغلى الناس
ولاد الناس غناهم من كرامتهم وعفتهم هى كل أساس
ولاد الناس بمواقفهم يثبتوا أنهم أفضل ناس
ولاد الناس لو مالت عليهم الدنيا تلاقيهم في شدتهم بالصبر والحكمة هم أغنى الناس
ولاد الناس بتعرفهم لو كنت في أزمة من غير ما تيجي تندهم تلاقيهم جنبك أول ناس
ولاد الناس لو هحكي أو هكتب أنا مش هقدر أوفيهم كل أوصافهم لأن هم ملح الأرض للدنيا ويبقوا هم كل أساس
ولاد الناس أغلى من الذهب والماس

مقالات ذات صلة

زر الذهاب إلى الأعلى
%d مدونون معجبون بهذه: