شعر

يا حلوة

بقلم/ محمود عبدالعال

يا حلوة
يا أم المريلة عسلي
والطرحة لفة
على شعرك شمسي
قوليلي جمالك ده رباني
ولا من شهد عسلك
أنا ياما أتغزلت في بنات حوا وآدم
وقابيل وهابيل
وشوفت ياما قناديل
والعيون على كل لون
بس أنتي حاجة تانية
ايوة طعم تاني
لون تاني شكل تاني
مصدقتش لما قالوا
القمر غار منك
كدبت عنك كلام كتير
أتحكى اساطيل
مصدقتش غير لما شوفتك
أبص لروحي
وعنك ما تهتش
غريبة والسكر منك
ما يتخيرشي
بسيطة والجمال
فيكي متواضع
زهرة وسط البستان
ولا تعلاشي
أصلك طيب
والحكمة من دارك
يا حلوة
يا أم المريلة عسلي
والطرحة لفة
على شعرك شمسي

مقالات ذات صلة

شاهد أيضاً
إغلاق
زر الذهاب إلى الأعلى
%d مدونون معجبون بهذه: