المرأة والطفلوقاية وعلاج

ازاي اخلي ابني يتكلم

جريدة وتليفزيون المنصة نيوز

كتبت د/ دعاء محمد حسين
القاهره

اخصائي تخاطب وتربيه خاصه

ازاى اعمل خطة عمل خاصة للتخاطب ؟؟

اولا لازم تعرفي ان في مهارات اسمها
مهارات ماقبل اللغة..
والمهارات دي مهمة جدااا لانها تؤهلك الي الحصول على نتائج اللغة .

مهارات ماقبل اللغة

أولا – طاعة و تنفيذ الأوامر :

لابد أن يتعلم الطفل الأوامر بالتدريج من الاسهل للاصعب ، في البداية بنعلم الطفل أوامر بسيطة زى (هات، خد ، افتح ،اقفل ،روح ، تعالى …..) لازم يتعلم اوامر كتيييير .
بعدين نطور التدريب ونخليه ينفذ فعلين مع بعض امر مركب.
عشان يتعلم الطفل لازم يكون مطيع وينفذ الأوامر .

ثانياً – الانتباه والتركيز :

لازم تشتغلي مهارات انتباه وتركيز بجميع اشكالها
▪️التركيز والانتباه السمعي .
▪️التركيز والانتباه البصري .
▪️التركيز والانتباه الشمي .
▪️التركيز والانتباه التذوقي .

ثالثاً – مهارة التقليد :

▪️ومهم جداً جداً انها تتعلم كيف تقلد ،
التقليد يعني انا بعمل نموذج قدامك وانتي تقلديه

▪️وفي الاول طبعا تساعدي بنتك مساعدات كلية لحتى تستطيع انجاز التقليد
واهم جزء في التقليد هو التقليد الشفهى اي الصوتي

مثال : فتح الفم
اعطي لبنتك امر اعملي كده / اعملى زيى
( اعملي النموذج افتحي فمك قولي انتي اااا)
ثم ساعدي بنتك بفتح فمها
والتقليد الصوتي قد تجدي صعوبة في انها تستجيب هنا استخدمي رافع اللسان لفتح الفم عليه شئ بنتك تحبه شيكولاته مثلا عشان تفتح الفم وساعديها تقول اااا
ثم تقليد صوت اااااي ااااااو بببببااا
صوت الزغروطة باللسان
رفع اللسان واقل للللل

كلهم بنفس الخطوات امر اعملي كده ادي النموذج انتظري من ثانية لاربع ثواني
لو مفيش استجابة ابدء المساعدة
دي اساسيات ماقبل اللغة او ما قبل الكلام

رابعاً – اللغة الاستقبالية :

هنا انا بخزن لبنتي اسماء ومعاني كل شيء حوالينا زي
▪️ اجزاء الجسم
▪️الفاكهة الخضار الحيوانات الملابس المواصلات الاشياء بالبيئة.
▪️ الالوان الصفات الاتجاهات الافعال كل شيء .

انا بعرفه لبنتي ومطلوب منها هنا انها تستقبل وتديني اشارة انها فاهمة الكلام
من خلال التدريب على هاتي خدي فين شاوري .

خامساً – اللغة التعبيرية :

▪️هنا هي بتعبر بالكلام لما اقولها ايه ده على مثلا جزء من جسمها تقولي عين او بق
او على فاكهة تفاح مثلا وهكذا
▪️توصف الافعال على الواقع وعلى صور لما اقولها بيعمل ايه ترد بالفعل .
▪️تفرق بين المذكر والمؤنث .
▪️تميز وتستخدم الافعال للمذكر والمؤنث .
▪️تميز وتستخدم الضمائر .
▪️تصرف الافعال .
▪️ترتب احداث متسلسة .
▪️تنقل رساله قصيره من شخص لشخص .
▪️توصف حدث من صور .
▪️تعيد سرد حدث قديم اعتمادا على ذاكرتها .

لازم تعرفي ان اساس اللي مهارات بنتك بتتبني عليه ونجاحك في تدريبها
هو المعززات اي المكافات :
ودي لما بنتك تستجيب للشغل تعززيها عشان تحب تشتغل معاكي .

انواع المعززات :

▪️ غذائية :
كل ما له علاقة بالاكل والشرب ودي لازم بكميات قليلة عشان مايحصلش اشباع منها ويهبط دافع الشغل عند الطفل .

▪️ مادية : زي ( الموبيل ، الايباد ، اللاب توب ، لعبة )

▪️ اجتماعية : ( الحضن ، البوسة ، الرفع لفوق ، اللف والدوران بيه )

▪️ رمزية : ( زي الاستيكرات ، علامة صح ، النجوم )

▪️ نشاطية : تتعلق بالأنشطة مثل ( الرسم ، الرياضة ، الملاهي ) .

لازم تعرفي ان المعزز لازم يكون في اول التعليم مباشر يعني على طول بعد الاستجابة الجيدة .
بعد كده يبقى متقطع بعد عدد من الاستجابات الجيدة .
ثم تعزيز متباعد زي مثلا اخر اااسبوع هنروح النادي هنسافر .

العمود الثاني للنجاح هو المساعدات :

▪️لايوجد مهارة لا تحتاج لمساعدة في بداية التعليم
▪️المساعدات في التخاطب هي مساعدات لفظية كاملة اني بلقنك الاجابة كاملة .
ثم متوسطة جزء من الكلمة .
ثم اسحب المساعدة .

مقالات ذات صلة

اترك تعليقاً

زر الذهاب إلى الأعلى
%d مدونون معجبون بهذه: